პოკერის ფსიქოლოგიაზე საუბრისას უნდა გამოვყოთ ორი ძირითადი მომენტი:

პირველი ესაა თვითკონტროლი თამაშის დროს. მთავარი პრობლემა იმაშია რომ ხშირად მოთამაშეები რომელთაც საკამო გამოცდილება და ცოდნა აქვთ პოკერში, ემოციური ზეწოლის დროს უშვებენ ისეთ შეცდომებს, რომელსაც არ დაუშვებდნენ სხვა დროს. იწყებენ ხშირად სუსტი ხელების გათამაშებას იმ იმედით. რომ გაუმართლებთ, ასეთ გონების დაბინდვას პოკერში ტილტი ეწოდება და და ის ემართბა დამწყებებსაც და პროფესიონალებსაც.
როგორ ავირიდოთ ტილტი თავიდან. ჯერ ერთი როცა პოკერს თამაშობთ მხოლოდ მასზე უნდა იყოთ ორიენტირებული და ხელს არ უნდა გიშლიდეთ სხვადასხვა პრობლემები, თუ რამეზე ხართ გაბრაზებული ან ავად ხართ ან უბრალოდ დაღლილი, გირჩევთ არ ითამაშოთ ეს ცუდად იმოქმედებს თქვენს თამაშსზე და ეს თქვენთვის კარგად არ დამთავრდება . მეორეს მხრივ, თამაშის დროს თქვენ უნდა იყოთ კონცენტრირებული გადაწყვეტილების მიღების პროცესზე და არა რეზულტატზე, ხდება ხოლმე რომ თქვენ თამაშობთ სწორად ყველაფერს, მაგრამ მოწინააღმდეგეს რომელიც შეცდომებს უშვებს მაინც უმართლებს და  გიგებთ, არ უნდა აყვეთ ემოციებს და გახსოვდეთ, რომ  დისტანციაზე პერსპექტივით ოსტატობა (სკილი) მაინც თავისას იზამს.

მეორე საკვანძო მომენტი პოკერის ფსიგოლოგიაში ესაა თქვენი ოპონეტების თამაშის წაკითხვა. თქვენი ამოცანაა ანალიზი გაუკეთოთ მათ ქმედებებს. უნდა გესმოდეთ (უნდა ეცადოთ ყოველშემთხვევაში რომ გაიგოთ) თუ რატომ აკეთებს ესა თუ ის ოპონენტი ფსონს,  პასუხობს თუ ჩექავს, იქნებ მისი ლოგიკა შეცდომითია  და შეიძლება ეს გამოიყენოთ თქვენს სასარგებლოდ, მაგრამ საჭიროა ამის დადგენა და თქვენთვის უფრო პროგნოზირებადი გახდება შემდგომში მისი სვლები.
გახსოვდეთ, რომ თქვენი ოპონეტები თუ ისინი კარგი მოთამაშეები არიან, ასევე ეცდებიან თვენი თამაშის ანალიზირებას, შესაბამისად ეცადეთ შეიყვანოთ შეცდომაში, ამისთვის მრავალი ხერხი არსებობს პოკერში.
ზოგჯერ ოპონენტების დასაბნევად აქვს აზრი ისეთ სვლებს, რომლებიც არასწორია პოკერის ლოგიკით და მათემატიკური თვალსაზრისითაც. მაგალითად: როცა ოპონენტები თქვენს ფსონს არ პასუხობენ და ყრიან კარტს, სწორი იქნება არ აჩვენოთ მათ თქვენი ჯიბის კარტი, რადგან პოკერი როგორც იცით ესაა თამაში არასრული ინფორმაციით ე.ი რაც უფრო ნაკლები ეცოდინებათ ოპონენტებს მით უკეთესია თქვენთვის, მაგრამ ზოგჯერ მაგიდაზე რეპუტაციის შესაქმნელად ამ წესიდან შესაძლებელია გადაუხვიოთ. მაგალითად, შეგიძლიათ აჩვენოთ ძალიან ხელი და  შემდგომში ბლეფით ისარგებლოთ,
ან პირიქით, წარმატებული ბლეფის მერე ითამაშოთ უკვე ძლიერი კარტით.

აზროვნების და ანალიზის დონე.
ძალიან მნიშვნელოვანია პოკერში თუ რა დონეზე აანალიზებთ. ანალიზის პირველი დონეა, როცა მოთამაშე ცდილობს გაიგოს თუ რა კარტზე ყავს ოპონეტს. მეორე დონეზე თქვენ ცდილობთ გაიგოთ თუ რას ფიქრობს ოპონეტი თქვენს კარტზე, მესამე დონეზე თქვენი მიზანია გაიგოთ თუ რას ფიქრობს ოპონენტი იმაზე თუ რას ფიქრობთ თქვენ მის კარტზე. მეასმე დონეზე როგორც წესი ფიქრობენ და აზროვნებენ პროფესიონალები. შესაძლებელია სხვა უფრო რთული ინტელექტუალური აზროვნებაც მაგრამ პრაქტიკაში თამაშის დროს ასე ძაან იშვიათად ხდება. არის კიდევ ნულოვანი დონე, როცა სუსტი მოთამაშეები ფიქრობენ მხოლოდ საკუთარ კარტზე და არ აანალიზებენ ოპონენეტების თამაშს.
საერთოდ იდეალური ვარიანტია თუ ამაღლდებით ერთი დონით მაღლა თქვენს ოპონენტებზე, ეს მოგცემთ დიდ უპირატესობას მათთან შედარებით. ერთზე მეტი დონით მაღლა აზროვნება კი უკვე აზრს კარგავს, მაგალითად თქვენი უნარი იაზროვნოთ მეორე დონეზე სრულიად უსარეგბლოა, როცა ეთამაშებით ნულოვანი დონის დამწყებს, თქვენ ვერანაირად ვერ მიხვდებით რას ფიქრობს ის თქვენს კარტზე ან საერთოდ თუ ფიქრობს, ამ შემთხვევაში სრულიად საკმარისია პირველი დონის აზროვნება.