სკვიზი ესაა ტაქტიკური ილეთი პრეფლოპზე ულიმიტო პოკერის სახეობებში, როცა რეიზის ან თუნდაც ერთი ქოლის შემდეგ კეთდება დიდი რეიზი და რომლის მიზანია პოტის ეგრევე წაღება.
იდეაში მოთამაშე რომელმაც გააკეთა პირველი რეიზი იძულებულია დაყაროს კარტი, რადგან ის მომწყვდეულია ორ ან მეტ მოთამაშეს შორის და არ იცის რა იქნება მათი შემდეგი ქმედება. ამავე დროს მეორე და დანარჩენი მოთამაშეები, რომლებმაც გაასწორეს პირველის რეიზი, ხშირ შემთხვევაში მათ არა აქვთ ისეთი ძლიერ ხელი, რომ გაასწოროს უკვე რერეიზი (წინააღმდეგ შემთხვევაში ისინი თვითონ გააკეთებდნენ რერეიზს) და დაყრიან კარტს. გინდაც რომელიმემ გასწოროს სკვიზი, მაინც რჩება პოტის წაღების საშუალება კონტბეთით შემდგომ რაუნდებზე.
მაგალითად:
პირველი მოთამაშე აკეთებს რეიზს 5 ლარს
მეორე მოთამაშე ასწორებს
მესამე მოთამაშე უწევს 30 ლარამდე და ამრიგად თამაშობს სკვიზს.
სკვიზის გამოყენება
სკვიზი ძლიერი ილეთია, რომელიც იძლევა საშუალებას უკვე პრეფლოპზევე წავიღოთ გაზრდილი პოტი, მაგრამ ამავე დროს მისი არასწორი გამოყენებით შეიძლება საკმაო თანხა დავკარგოთ.
რჩევები რომლებიც დაგეხმრაბეთ სკვიზის გამოყენებაში მართებულ სიტუაციებში.
•თქვენი იმიჯი მაგიდაზე უნდა იყოს საკმაოდ ტაიტი,
•სასურველია იყოთ პოზიციაში ყველა იმ მოთამაშესთან, რომლებიც თამაშში არიან
•ოპონენტები უნდა იყვნენ ტაიტი მოთამაშეები.
•თქვენი სტეკი უნდა იყოს დიდი.
•არ ღირს სკვიზის ხშირი გამოყენება, ერთი რეიზი და ერთი ქოლი ჯერ კიდევ არაა სვიზის საბაბი.
|