ლიმიტირებული პოკერი

ლიმიტირებულ პოკერში ნებისმიერი ფსონის დადებისას დაშვებულია მაქსიმუმ 4 ფსონის დადება. ამაში შედის ფსონი, წინა ფსონის ზრდა და ბოლო ფსონი. ულიმიტო პოკერში და შეზღუდული ბანკის მქონე პოკერში მოთამაშე არ იზღუდება წინა ფსონის ზრდის რაოდენობაში. ლიმიტირებულ პოკერში ფსონი და წინა ფსონის გაზრდა თანხმდება წინასწარ. მაგალითად, 1/2 ლარიან ლიმიტირებულ პოკერში, ფსონის და წინა ფსონის ზრდა ერთად უნდა უდრიდეს 1 ლარს. ის არ უნდა იყოს არც მეტი და არც ნაკლები. ბოლო ორ რაუნდში ფსონი და წინა ფსონის გაზრდილი ოდენობა უნდა უდრიდეს 2 ლარს.

შეზღუდული ბანკის პოკერი

შეზღუდული ბანკის პოკერში ფსონის ან წინა ფსონის აწევის მაქსიმალური ოდენობა არ უნდა აღემატებოდეს იმ მომენტისათვის ბანკში არსებული თანხის ჯამურ ოდენობას. მაგალითად: თუ მაგიდაზე მდებარე ბანკში არსებული ჯამური თანხა არის 10 ლარი, ფსონის დადებისას პირველი მონაწილე დებს 10 ლარს, მეორე მონაწილეს შეუძლია დადოს სულ 30 ლარი, აქედან 10 ლარი რათა გაათანაბროს უკვე გაკეთებული ფსონი, ხოლო წინა ფსონის ასაწევად 20 ლარი – ე.ი. ჯამური თანხა, რომელიც არსებობდა ბანკში ამ მოთამაშეზე ჯერის გადასვლის მომენტისთვის, თავისი ფსონის ჩათვლით. შეზღუდული ბანკის პოკერში წინა ფსონის აწევის რაოდენობაზე მაქსიმალური ზღვარი დაწესებული არ არის.

ულიმიტო პოკერი- ყველაზე უფრო საინტერესო და გავრცელებული პოკერის სახეობა,  სწორედ სწორედ ამ სეხეობაში იმართება მსოფლიო ჩემპიონატი . ყოველ მონაწილეს შეუძლია ნებისმიერი ფსონის დადება ნებისმიერ რაუნდში. ფსონის მინიმალური ოდენობა უდრის დიდ ბლაინდს (აუცილებელი ფსონი, რომელსაც დებს მეორე ადგილზე მჯდომი მოთამაშე).

თამაშის სტადიები თამაში იყოფა ფსონის დადების ოთხ რაუნდად. თავდაპირველი ბანკი ივსება „ბლაინდ" (ბრმა) ფსონებით. მოთამაშე, რომელიც მაგიდასთან იკავებს პირველ ადგილს არის დილერი. თამაში იწყება დილერის ფიშკის გვერდით მჯდომი მოთამაშიდან, „მრგვალი დისკი" მიანიშნებს დილერზე. თუ მოთამაშეები მაგიდასთან ადგილს იკავებენ ერთდროულად, მაგალითად შეჯიბრებების დროს, ყოველი მოთამაშე იღებს სტრიტიის ერთ გახსნილ ბანქოს. ამ შემთხვევაში დარიგება იწყება ვირტუალური დილერის მარცხნიდან და ის მოთამაშე, რომელიც პირველი მიიღების სიდიდით მაღალ ბანქოს, ხდება დილერი. ყოველ რაუნდში დილერის ფიშკა გადადის მოთამაშიდან მოთამაშეზე საათის ისრის მიმართულებით.